Հպարտանալու առիթ ունենք
Ռուբեն Հարություն
ՎՁՏՊ քոլեջի «Հաշվողական տեխնիկայի և ավտոմատացված համակարգերի ծրագրային ապահովում» մասնագիտության ուսանող Ռուբեն Հարությունովը՝ 2015թ-ին դառնալով «Աշխարհի հմտություններ» մրցույթի հայաստանյան փուլի հաղթողներից մեկը, իրավունք ստացավ մասնակցելու Բրազիլիայի Սան Պաոլո քաղաքում կայանալիք միջազգային մրցույթին: 2016թ.-ին Եկատերինբուրգում կայացած «IT-Պլանետա» օլիմպիադայում Ռուբենը գրավեց 2-րդ պատվավոր տեղը` հաղթողին զիջելով ընդամենը մի քանի րոպե ժամանակով:
ՀՀ Զինված ուժերում իր սրբազան պարտքը պատվով հանձնելուց հետո, Ռուբենը կարողացավ գտնել իր տեղն աշխատաշուկայում:
Արամ Շահբազյան
«Խոհարարական գործ» մասնագիտության շրջանակներում, ՀՀ հինգ քոլեջներից ընտրված ուսանողներից մեկն էլ մեր շնորհալի ուսանող՝ Շահբազյան Արամն էր, ով փորձի փոխանակման նպատակով հնարավորություն ստացավ մեկնել Լեհաստան: Արդեն իսկ զինված լինելով գիտելիքների բավականին մեծ պաշարով, Արամ Շահբազյանը նույնպես կարողացավ աշխատաշուկայում գտնել իր տեղը՝ շարունակելով ձեռք բերել նորանոր գիտելիքներ և կատարելագործել մասնագիտական հմտությունները:
