Լինելով մարզում միակ բազմագործառութային միջին մասնագիտական պետական ուսումնական հաստատությունը, Վայոց ձորի տարածաշրջանային պետական քոլեջի հիմնական առաքելությունն է, նախնական մասնագիտական (արհեստագործական) եւ միջին մասնագիտական կրթությամբ որակյալ մասնագետների պատրաստումն ու նրանց մրցունակության բարձրացումն աշխատաշուկայում, կրթական ծրագրերի համապատասխանեցումը մարզի սոցիալ-տնտեսական զարգացման պահանջներին, կրթության բովանդակության միջազգային չափանիշներին համադրելիությունը, ուսումնական գործընթացի թափանցիկության, մատչելիության և հավասարության ապահովումը:
Վայոց ձորի տարածաշրջանային պետական քոլեջը հիմնադրվել է 1971 թ․-ին /նախ, որպես Երևանի Էլեկտրամեխանիկական տեխնիկումի, ապա՝ Երևանի Ֆինանսա-տնտեսագիտական տեխնիկումի մասնաճյուղ/։ 2001թ․-ի հոկտեմբերից գործել է որպես Եղեգնաձորի պետական քոլեջ և ինքնուրույն հաստատություն։ 2011թ․-ին վերանվանվել է որպես «Վայոց ձորի տարածաշրջանային պետական քոլեջ» ՊՈԱԿ։